Nagbigay ng pahayag ang Department of Education (DepEd) kaugnay sa viral video ng mga estudayanteng sumasayaw ng mga patok na step sa TikTok pagkatapos makuha ang kanilang diploma sa isinawagang graduation ceremony.
Sa ulat ng GMA Integrated News nitong Biyernes, Hunyo 7, sinabi ng DepEd na bagama’t kinikilala umano nila ang kalayaan ng mga estudyante na makapaghayag ng sarili, dapat pa rin umanong idaos ang mga pormal na pagdiriwang tulad ng graduation nang may solemnidad.
“They should be conducted in a solemn manner. So definitely ‘yong twerking or dancing upon the receipt of the diploma does not fall in the category of celebrating its solemnity,” pahayag ni DepEd Assistant Secretary for Operations Francis Bringas.
Dagdag pa niya: “In fact, kung dalawa o tatlo ang mga sumasayaw they should be more sensitive that there are more parents that would want the ceremony to remain solemn.”
