Divina Valencia, pinababalik sa FAMAS mga nagastos ni Eva Darren-Balita

Ipinagdiinan ng batikang aktres na si Divina Valencia na dapat ibalik ng pamunuan ng Filipino Academy of Movie Arts and Sciences (FAMAS) ang mga nagastos ng kaibigang si Eva Darren, nang hindi siya tawagin bilang presenter sa naganap na 72nd FAMAS Awards.

MAKI-BALITA: Divina Valencia, ‘di matanggap ang paliwanag ng FAMAS kay Eva Darren

Menos na ang kontrobersiyal na ₱5k per head sa dinner food, malaki rin umano ang nagastos ni Eva sa kaniyang outfit, sa hair and make-up, gasolina sa sasakyan, at iba pang effort matapos anyayahang maging presenter ng award sa nabanggit na FAMAS Awards Night.

MAKI-BALITA: ₱5k na bayad sa dinner ng FAMAS, kinuwestyon

Ayon sa ulat ng ABS-CBN News, sa panayam naman kay Divina na isa sa mga kasama sa mesa ni Eva nang maganap ang insidente, nagulat na lang siya nang biglang magpaalam si Eva na aalis na gayong hindi pa siya natatawag. Nakita raw niya na tila "upset" si Eva.

Doon na napag-alaman ni Divina na pinalitan na pala si Eva ng isang singer na si Sheena Palad.

Hindi matanggap ni Divina ang excuse ng FAMAS na hindi nila ma-locate ang kinaroroonan ng kaniyang kaibigan.

Kaya hamon ni Divina sa pangulo ng FAMAS, ibalik na lang nila ang ginastos ni Eva dahil hindi naman nito na-serve ang purpose ng pagpunta sa nabanggit na awarding ceremony.

"Masakit para sa anak, at sa mga apo na inaasahan nila na gumastos ng ganoon [sa] make-up, hairdo, damit, driver, gas, etc. Dapat lang Madam FAMAS, ibalik mo lahat nang nagastos ni Miss Eva Darren. 'Yong kahihiyan hindi niya na maibabalik 'yon, habambuhay nang kahihiyan 'yon. At hindi lang sa kaniya, kundi kahihiyan ng anak niya at mga apo niya," saad pa ni Divina.

Samantala, sa isang Facebook post ay tinanggap naman ng anak ni Eva na si Fernando Dela Peña ang paghingi ng dispensa ng FAMAS dahil sa nangyari.

Sa kabilang banda, nagbukas ito ng oportunidad para kilalanin at parangalan si Eva sa kontribusyon nito sa pelikulang Pilipino.

MAKI-BALITA: Eva Darren, iba pang batikang artista pararangalan sa 7th Eddys

MAKI-BALITA: Matapos ‘bastusin’ ng FAMAS: Eva Darren, nagka-award agad

Mga klase, pasok sa tanggapan ng gobyerno suspendido sa Oktubre 31

Suspendido na ang mga klase sa lahat ng antas gayundin ang mga pasok sa tanggapan ng gobyerno sa darating na Oktubre 31 ng 12:00 ng tanghali, para sa paggunita ng All Saints' Day at All Soul's Day, ayon mismo sa Malacañang.Sa ipinalabas na Memorandum Circular No. 67 na nilagdaan ni Executive Secretary Lucas Bersamin, wala nang pasok sa nabanggit na oras at petsa para magbigay-daan sa...

Baggage handling system sa NAIA 3, bumigay; nagdulot ng aberya sa mga pasahero

Daan-daang pasahero ang nakaranas ng aberya dahil sa bumigay na baggage handling system sa terminal 3 ng Ninoy Aquino International Airport (NAIA) nitong Martes, Oktubre 22.Sa huling Facebook post ng Cebu Pacific nitong Martes ng tanghali, Oktubre 22, inaksyunan na nila ang problema sa nasabing terminal kasama ang New NAIA Infrastructure Corp. (NNIC).“CEB has established a dedicated team to...

‘Kristine’ bahagyang lumakas habang nasa PH Sea ng Bicol Region

Bahagya pang lumakas ang Tropical Storm Kristine ang kumikilos ito sa Philippine Sea sa silangan ng Bicol Region, ayon sa Philippine Atmospheric, Geophysical and Astronomical Services Administration (PAGASA) dakong 5:00 ng hapon nitong Martes, Oktubre 22.Sa update ng PAGASA, huling namataan ang sentro ng Tropical Storm Kristine 390 kilometro ang layo sa silangan ng Daet, Camarines Norte.Taglay...