Asynchronous classes ipapatupad sa Abril 15, 16

By Ralph Mendoza

April 13, 2024

In BALITA National

Naglabas ng anunsiyo ang Department of Education (DepEd) kaugnay sa magiging moda ng klase sa mga pampublikong paaralan sa darating na Abril 15 at 16.

Sa Facebook post ng DepEd nitong Biyernes ng hapon, Abril 12, sinabi nila na isasailalim sa asychronous o distance learning ang klase sa mga pampublikong paaralan sa buong bansa.

“In order to allow learners to complete pending assignments, projects, and other requirements as the end of school year is fast-approaching, all public schools nationwide shall implement asynchronous/distance learning on April 15-16, 2024,” pahayag ng ahensya.

“Likewise, teaching and non-teaching personnel in all public schools shall not be required to report to their stations,” anila

Ngunit, ayon sa DepEd, ang mga gawain umanong inorganisa ng Regional at Schools Division Offices gaya ng Regional Athletic Association Meets at iba pang division o school level programs na isasagawa sa mga nabanggit na petsa ay kinakailangang ipagpatuloy.

Gayunpaman, bagama’t hindi saklaw ng ibinabang abiso ang mga pampribadong paaralan, binibigyan sila ng ahensya ng option na gawin din ang nabanggit na moda ng klase.

PBBM, pinuri dalawang houses ng 19th Congress dahil sa 'display of unity'

Nakatanggap ng komendasyon mula kay Pangulong Ferdinand 'Bongbong' Marcos, Jr. ang mataas at mababang kapulungan ng ika-19 na Kongreso dahil sa kanilang 'display of unity' sa pagsusulong ng key priority bills para sa bansa.Sa Facebook post na mababasa sa opisyal na Facebook page ng pangulo, makikita ang pakikipagpulong ni PBBM sa dalawang pinuno ng Senado at House of...

Top 1 ng Sept. 2024 Social Worker Licensure Exam, dating 4Ps beneficiary

Ipinagmalaki ni Department of Social Welfare and Development (DSWD) Spokesperson Assistant Secretary Irene Dumlao na ang nag-rank 1 sa naganap na September 2024 Social Worker Licensure Examination (SWLE) ay dating benepisyaryo ng Pantawid Pamilyang Pilipino Program (4Ps).Ang 4Ps ay isang programa ng pamahalaan, na nagbibigay ng cash assistance sa mga pinakamahihirap na pamilya. Layunin nitong...

Kahit nasa ₱700M na lang ang budget: OVP, tuloy pa rin ang trabaho

Tuloy pa rin daw ang trabaho ng Office of the Vice President (OVP) kahit na umabot lamang daw sa ₱700 milyon ang budget na ibibigay sa kanila para sa 2025. 'Sa ₱700 million, we will see kung ano 'yung maiwan and then we will work around that budget of the Office of the Vice President, pero definitely, tutuloy pa rin 'yung trabaho anuman ang budget ng Office of the Vice...