“Ayon po sa initial report nung nagtanong yung mga responders hindi po sa kanila 'yung kotse. Iba po 'yung nagmamay-ari at nadiskubre lang yata no'ng may-ari no'ng buksan 'yung pinto ng kanyang kotse, may 2 bata na nasa loob,” saad ni Rudy Simeon, OIC ng CDRRMO-Angeles City.

Dagdag pa nito, "Parang teorya na nakikita po dun sa initial investigation, nakapasok, hindi daw naka-lock 'yung kotse at baka po 'yun ang nangyari. So ayon naman sa initial report din, umaga pa daw po nangyari yun dahil hinahanap na ng mga magulang yung mga bata ayon po dito sa pagtatanong ng team natin."

Pinayuhan din ni Simeon ang publiko na sikaping huwag palabasin ang kanilang mga anak kung wala raw kasamang matanda at nagbabantay sa mga ito.

“Sana po 'yung mga anak po nila talaga, huwag po nilang hayaan na maglaro na sila lang po. Dapat may mga nagbabantay lalo na sa mga ganitong edad po ng mga bata 2 years old at saka 3 years old, kailangan po talaga 'yung mga magulang po natin sikapin po nila na huwag palabasin 'yung mga anak nila na wala pong mga kasamang mga matatanda at magbabantay sa kanila.”