Ano nga ba ang plano sa noontime show na “Eat Bulaga” matapos maiulat ang umano’y pagbabalik ng TV host na si Willie Revillame sa TV5?

Sa latest episode ng “Showbiz Updates” nitong Linggo, Marso 17, sinabi ni showbiz insider Ogie Diaz na lalo raw pagtitibayin ang“Eat Bulaga.

“‘Yong ‘Eat Bulaga’ naman, parang lalong pagtitibayin ito. Kasi nga e nakita na nga na itong si Willie na nag-sign up na sa TV5,” saad ni Ogie.

Sey naman ng co-host niyang si Mama Loi: “Teka lang, Nay, parang ang gulo. Kasi isang account lang ‘yong ‘Wowowin’ na verified check, parang sine-share nila ‘yong mga post na lalabas sa GMA ‘yong ‘Wowowin,’ e, ‘yon naman pala para sa TV5 sila.”

Tsika at Intriga

4th Impact pumalag na sinabi raw nilang sila ang Blackpink ng Pinas, nilait ang BINI

“Ba’t pinapalutang pa nila, Kuya, kung ‘di naman pala totoo? Ano ‘yong nagpapaingay lang?” segunda ng isa pa nilang co-host na si Mrena. 

Kaya sabi ni Ogie: “Alam mo, Mrena, ‘yong mga kagagahan mo, ha. [...] Pero parang may point ka.”

“Tulad niyan, ‘yong ‘Wowowin’ fan page ay naglabas na: ‘Sa GMA na ba [maipapalabas] si Willie?’ Dapat ‘di n’yo ipinapalabas kung sa TV5 naman pala ipapalabas si Willie, ‘di ba. Misleading ‘yon,” dugtong pa niya.

Pero sa ngayon, ‘di pa raw sigurado si Ogie kung saan ipupwesto ang timeslot ng naturang show ni Willie. 

“Alam mo, hindi ko alam talaga. Basta nakita lang na may contract signing si Willie with the bosses ng TV5 ‘di ba,” saad pa niya.

MAKI-BALITA: Willie Revillame, ipapalit sa ‘Tahanang Pinakamasaya?’