Castro, binatikos pagtatanggol ni VP Sara kay Quiboloy: ‘Napakasamang ehemplo’-Balita

Iginiit ni ACT Teachers Party-List Rep. France Castro na “napakasamang ehemplo” ang ipinapakita ni Vice President at Department of Education (DepEd) Secretary Sara Duterte na pagtatanggol kay Kingdom of Jesus Christ (KOJC) church leader Pastor Apollo Quiboloy.

Sa isang pahayag nitong Linggo, Marso 17, na inulat ng Manila Bulletin, tinanong ni Castro kung alam daw kaya ni Duterte ang mga kasong kinahaharap ni Quiboloy hindi lamang sa Pilipinas kung hindi maging sa ibang bansa.

"Hindi ba alam ni Vice President Duterte ang sandamukal na mga kaso ni Quiboloy sa dito at sa ibang bansa? Kahit nasa ibang bansa; ‘yung women and child abuse, may mga involve pa na mga pag-eexport ng mga baril, etc.," ani Castro.

"So parang napakasamang ehemplo ang pinapakita ni Vice President Duterte dahil sa tingin natin ay coddler siya ni Quiboloy," dagdag niya.

Ayon pa sa gurong mambabatas, hindi raw dapat pinagtatanggol ni Duterte si Quiboloy lalo na’t isa siyang kalihim ng DepEd.

"Hindi dapat ginagawa ito ng isang vice president at secretary ng Department of Education, otherwise kung gagawin niya ito, ay dapat hindi siya nasa department," giit ni Castro.

"My unsolicited advice to VP that the least that she could do is to advise his friend Pastor Quiboloy to attend the hearings of the Senate and the HoR (House of Representatives) as well as face his alleged criminal offenses in court here and abroad," saad pa niya.

Matatandaang kamakailan lamang ay nanawagan si Duterte ng katarungan para kay Quiboloy na nakararanas umano ng “pandarahas.”

Kasalukuyang nahaharap si Quiboloy sa mga alegasyon tulad ng “child abuse” at “qualified trafficking,” kung saan sinabi kamakailan ni Department of Justice (DOJ) Secretary Jesus Crispin Remulla na sasampahan siya ng mga prosecutor sa Pasig City at Davao City kaugnay ng naturang mga kaso.

https://balita.net.ph/2024/03/04/quiboloy-kakasuhan-ng-child-abuse-qualified-trafficking-remulla/

Bukod dito, naiulat kamakailan na ipinag-utos ng Central District of California na “i-unseal” na ang warrant of arrest laban kay Quiboloy kaugnay ng mga kaso nito doon na “conspiracy to engage in sex trafficking by force, fraud, coercion, sex trafficking of children, conspiracy, at cash smuggling.”

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...