House Committee, pina-contempt na si Quiboloy

By MJ Salcedo

March 12, 2024

In BALITA National

Naghain na ng contempt order ang House Committee on Legislative Franchises laban kay Kingdom of Jesus Christ (KOJC) leader Apollo Quiboloy dahil sa paulit-ulit umano nitong hindi pagdalo sa pagdinig kaugnay ng isyung kinahaharap ng Sonshine Media Network International (SMNI).

Sa pagdinig ng komite nitong Martes, Marso 12, inihayag ni Surigao del Sur 2nd District Representative Johnny Pimentel ang pagpapa-contempt kay Quiboloy dahil sa muli nitong hindi pagdalo sa hearing hinggil sa franchise violations ng SMNI.

Wala namang miyembro ng komite ang tumutol sa naturang contempt order laban sa pastor.

Matatandaang nito lamang Pebrero nang maglabas ang Kamara ng subpeona laban kay Quiboloy matapos ang sunod-sunod na hindi nito pagdalo sa committee hearings noong Disyembre 5, 11, 2023, at Pebrero 7, 2024.

Samantala, matatandaang noong Disyembre 2023, sinuspinde ng National Telecommunications Commission (NTC) ang operasyon ng SMNI sa loob ng 30 araw dahil umano sa mga paglabag ng network sa terms and conditions ng prangkisa nito.

MAKI-BALITA: Operasyon ng SMNI, suspendido ng 30 araw

Bukod dito, noong Enero 2024, pinatigil muli ng NTC ang operasyon ng SMNI habang tinatapos daw ang pagdinig sa kanilang kaso.

MAKI-BALITA: NTC, pinatitigil ang operasyon ng SMNI

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...