Nakalaya na ang award-winning director na si Jade Castro at ang mga kaibigan niyang engineer at business manager nitong Lunes ng gabi, Marso 11.
Sa Facebook post ni Atty. Chel Diokno sa parehong nabanggit na petsa, ibinahagi niya ang screenshot ng usapan nila ng kapatid ni Jade na si Jasper Castro.
Sa naturang screenshot ng text message, makikitang kinumpirma ni Jasper kay Dioknol na nakalaya na raw ang kaniyang kapatid.
Empleyadong lasing, patay matapos sapakin ng ginising na katrabaho
“Nakalabas na po sina Jade ng BJMP ngayong gabi. Na-grant ‘yong motion to quash. Maraming salamat po sa lahat ng tulong n’yo,” saad ni Jasper sa mensaheng ipinadala niya kay Diokno.
Matatandaang noong Pebrero ay naglabas ng pahayag ang Concerned Artist of the Philippines (CAP) para tuligsain ang pag-aresto umano nang walang warrant kay Jade at sa mgaa kasamahan nito.
Bukod sa CAP, nanawagan din ang Directors’ Guild of the Philippines, Inc. (DGPI) at PEN Philippines para palayain ang direktor at ang pa nitong kasama.
MAKI-BALITA: Grupo ng mga artist, nanawagang palayain ang direktor na inaresto sa Quezon
Dinakip sina Jade noong Enero 28 dahil sa bintang na panununog umano ng modernized jeep sa Catanuan, Quezon.
