Ibinahagi ng batikang aktres na si Jackie Lou Blanco ang karanasan niya tungkol sa ginawa umanong pangingidnap ng sarili niyang ama sa kaniya.
Sa latest vlog ni Kapamilya broadcast-journalist Bernadette Sembrano nitong Linggo, Marso 10, sinariwa ni Jackie ang bahaging ito ng kaniyang kamusmusan.
“I was kidnapped by my own dad. I was less than a year old. It was the day that he was supposed to pick me up from Pilita [Corrales]. They separated na kasi and it was his time to pick me up,” lahad ni Jackie Lou.
“He had the signature of my mom forged so we were able to fly [...] ‘Pag inisip mo, pwede siyang ipinakulong ng nanay ko kasi kinidnap na ako,” aniya.
Wolfgang, binuburaot ng Ivory, Vicor Music?
Pero ayon sa aktres: “My mom didn’t send my dad to jail. She didn’t. And I asked her: ‘Why, mom? Why didn’t you send dad to jail?’ ‘Cause I know why he did it. He did it out of love. He loved you so much na hindi na siya nakaisip nang tama.”
Kaya naman, feeling blessed pa rin daw si Jackie Lou kahit nagkahiwalay ang kaniyang mga magulang dahil nagkaroon siya ng pagkakataong makilala ang kaniyang ama.
“If my mom robbed me of that, I would have never known my dad. So if that is not unconditional love, I do not know what it is,” saad pa niya.
Sa kasalukuyan, ang ina na lamang ni Jackie Lou na si Pilita ang nakakasama niya dahil ang kaniyang ama ay maagang pumanaw.
