Pura Luka Vega, muling nanindigang ‘di krimen ang drag: ‘It’s purely my expression of my faith’-Balita

Ilang araw matapos siyang maaresto sa ikalawang pagkakataon, muling nanindigan ang drag queen na si Amadeus Fernando Pagente, mas kilala bilang Pura Luka Vega, na hindi krimen ang drag at wala raw siyang ginawang mali kaugnay ng kaniyang naging “Ama Namin” drag performance.

Sa isang panayam ng mga mamamahayag na inulat ng ABS-CBN News nitong Biyernes, Marso 8, iginiit ni Pura na ang kaniyang “Ama Namin” performance ay expression lamang niya ng kaniyang pagiging queer at ng kaniyang pananampalataya.

"I stand firm to my beliefs that I did not do anything wrong. This is purely my expression of my queerness and my faith and there's nothing wrong with that," ani Pura.

"I hope people would get to see it the way queer people see it. Drag is never a crime. It’s really just an expression and it’s a beautiful art form," dagdag pa niya.

Samantala, sinabi rin ng drag queen na sa gitna ng mga kinahaharap niyang kaso, nananatili siyang matatag hindi lamang dahil sa kaniyang pamilya at mga kaibigan, kundi dahil sa pananampalataya niya sa Diyos.

MAKI-BALITA: Pura Luka Vega matapos ikalawang pagkaaresto: ‘God has always been on our side’

Matatandaang muling inaresto ang si Pura noong Huwebes, Pebrero 29, dahil pa rin sa krimen kaugnay ng kaniyang naging kontrobersiyal na “Ama Namin” drag performance noong nakaraang taon.

MAKI-BALITA: Pura Luka Vega, muling inaresto

Nakalaya naman siya noong Biyernes ng hapon, Marso 1, matapos makapagpiyansa ng halagang ₱360,000.

MAKI-BALITA: Pura Luka Vega, nakalaya na

Noong Oktubre 4, 2023 nang unang arestuhin ng Manila Police District (MPD) ang drag queen dahil sa mga reklamong isinampa laban sa kaniya kaugnay ng kaniyang drag performance, at nakalaya rin pagkatapos ng tatlong araw dahil sa piyansang nagkakahalaga ng ₱72,000.

MAKI-BALITA: Pura Luka Vega, inaresto sa Sta. Cruz, Manila

Samantala, mahigit 20 mga lugar na rin sa bansa ang nagdeklara ng persona non grata laban sa kaniya kaugnay pa rin ng nasabing Ama Namin drag performance.

MAKI-BALITA: Mga lugar na nagdeklara ng persona non grata laban kay Pura Luka Vega

“Tell me EXACTLY what I did wrong. I’m open for a dialogue and yet cities have been declaring persona non grata without even knowing me or understanding the intent of the performance. Drag is art. You judge me yet you don’t even know me,” saad naman ni Pura kamakailan hinggil sa pagkaka-persona non grata sa kaniya.

MAKI-BALITA: Pura Luka Vega, nag-react sa halos sunod-sunod na pagka-persona non grata

MAKI-BALITA: Pura Luka Vega: ‘Drag is art, it’s not supposed to be a crime’

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...