Sinampahan ng kasong plunder sa Office of the Ombudsman ang ilang opisyal ng Department of Environment and Natural Resources (DENR), Quezon City government at Megaworld Corporation kaugnay ng  umano'y ilegal na proyekto sa Marikina River sa Eastwood, Libis, Quezon City, kamakailan.

Sa panayam sa radyo, sinabi ni Dr. John Chiong, president ng Task Force Kasanag, Inc.,bukod sa pandarambong, inireklamo rin ang mga ito ng paglabag sa Anti-Graft and Corrupt Practices Act (Republic Act 3019), paglabag sa Presidential Decree 1067, paglabag sa 2017 rules on Administrative Cases in the Civil Service, Gross Neglect of Duty, Grave Misconduct, Conduct Prejudicial to the Best Interest of the Service, at paglabag sa Easement Law.

National
Ilocos Sur, niyanig ng magnitude 4.3 na lindol

Ilocos Sur, niyanig ng magnitude 4.3 na lindol

Sa complaint affidavit ni Chiong, kabilang sa kinasuhan ang mga dati at kasalukuyang DENR secretaries, DENR-NCR directors, private respondents na sina Andrew Tan, President and CEO at Chairman of the Board of Directors ng Megaworld Corporation at dating Megaworld Properties & Holdings Inc., George Yang, Vice Chairman of the Board at iba pang Board of Directors ng kumpanya at kasalukuyan at mga dating opisyal ng Quezon City local government.

Sinabi ni Chiong, nagsabwatan umano ang mga opisyal ng gobyerno at business company para sa illegal na proyekto sa Marikina River sa Eastwood, Libis.

Ipinaliwanag ni Chiong, ilegal umanong sinakop ng Megaworld Corporation ang 1,500 metro kuwadradong babagi ng ilog kung saan ito nagtayo ng istraktura na naging sanhi ng pagsikip ng daluyan ng tubig.

Idinagdag pa ni Chiong, nagpabaya umano sa kanilang tungkulin ang mga opisyal ng DENR at city government matapos bigyan ng pahintulot ang kumpanya na maipatupad ang proyekto.

Habang ginagawa ang balitang ito, wala pang inilalabas na pahayag ang mga opisyal ng DENR, QC government at Megaworld hinggil sa usapin.