Magkakaroon na naman ng bawas sa presyo ng produktong petrolyo sa susunod na linggo, ayon sa Department of Energy (DOE).
Sinabi ni DOE-Oil Industry Management Bureau Assistant Director Rodela Romero, katiting lamang ang ibabawas sa presyo ng produktong langis at ibinatay ito sa nakaraang tatlong araw na kalakalan nito.
Nasa ₱0.50 hanggang ₱0.80 ang ibababa sa kada litro ng gasolina, ₱0.20 hanggang ₱0.50 ang ibabawas sa kada litro ng diesel at mula ₱0.20 hanggang ₱0.45 ang itatapyas sa kada litro ng kerosene.
National
Ilocos Sur, niyanig ng magnitude 4.3 na lindol
Huling nagpatupad ng price adjustment nitong Marso 5 kung saan nabawasan ng ₱0.40 at ₱0.35 ang presyo ng kada litro ng diesel at kerosene, ayon sa pagkakasunod-sunod, at ₱0.50 naman ang ibinawas sa presyo ng bawat litro ng gasolina.
