Nakakuha na ang pamahalaan ng US$1.53 billion o ₱86 bilyong investment deals sa kasunod na rin ng pagdalo ni Pangulong Ferdinand Marcos, Jr. sa ASEAN-Australia Special Summit sa Australia nitong Lunes.
Pumirma ang Philippine government sa 12 business deals sa isinagawang Philippine Business Forum sa Melbourne, ayon sa Presidential Communications Office (PCO).
Sa kanyang talumpati, binanggit ni Department of Trade and Investment (DTI) Secretary Alfredo Pascual, ang naturang business deals ay magpapatatag sa investment relationships sa pagitan ng Pilipinas at Australia at makatutulong pa sa paglago ng ekonomiya ng bansa.
“These agreements signify our unwavering commitment to excellence and fruitful partnerships spanning diverse sectors such as renewable energy, waste-to-energy technology, organic recycling technology, countryside housing initiatives, the establishment of data center, manufacturing of health technology solutions, and digital health services,” anang kalihim.
Kabilang sa nasabing investment deals ang 10 memoranda of understanding (MOUs) sa pagitan ng mga Pinoy at Australian business leader at dalawang letters of intent (LOIs) mula Australian business leaders na may balak na mamuhunan sa Pilipinas.
