Robin, nag-sorry sa ‘drip session’ ni Mariel sa Senado: ‘Hindi na po mauulit’-Balita

Humingi ng tawad si Senador Robin Padilla sa mga opisyal ng Senado dahil sa nangyaring “drip session” ng asawang si TV personality Mariel Rodriguez-Padilla sa kaniyang opisina kamakailan.

Dalawang sulat ang ipinadala ni Padilla nitong Lunes, Pebrero 26, kung saan naka-address ang bawat isa sa mga ito kina Senate Medical Bureau chief Dr. Renato Sison at Senate Sgt-at-Arms Roberto Ancan.

Base sa sulat na ipinadala kay Ancan, sinabi ni Padilla na hindi raw niya naisip na ipawalang-bahala ang alituntunin ng Senado nang mangyari ang “drip session” ni Mariel sa kaniyang opisina noong Pebrero 19, 2024.

“Kailanman po ay hindi ko naisip na ipawalang-bahala ang mga umiiiral na alituntunin ukol sa seguridad ng Senado, lalo’t higit ang hindi pagbibigay-galang sa ating institusyon,” ani Padilla.

Samantala, sinabi naman ng senador sa kaniyang sulat kay Sison na walang intensyon si Mariel na ipawalang-bahala ang patakaran ng Medical Bureau nang gawin ang naturang “drip session.”

“Nais ko pong bigyan ng diin na wala pong intensyon ang aking maybahay na ipagwalang-bahala ang mga umiiral na patakaran ng Medical Bureau,” saad ni Padilla.

“Makakaasa po kayo na hindi na mauulit ang ganitong uri ng pangyayari,” dagdag pa niya.

Matatandaang binatikos kamakailan sa social media ang ginawa ni Mariel sa Senado dahil “very inappropriate” at “disrespectful” daw ito.

Inihayag naman ni Senate ethics and privileges committee chair Senator Nancy Binay kamakailan na iimbestigahan daw nila ang kontrobersiyal na “drip session” ni Mariel dahil bagama’t hindi siya miyembro ng Senado, may kaugnayan umano ito sa integridad at reputasyon ng kapulungan.

https://balita.net.ph/2024/02/24/gluta-drip-session-ni-mariel-paiimbestigahan-daw-ng-senado/

Kaugnay nito, iginiit ni Padilla noong Sabado, Pebrero 24, na nakakahiya umano sa “pera ng taumbayan” kung bubusisiin pa ng Senado ang naging “drip session” ni Mariel dahil may mas mahahalaga pa raw na isyu ang dapat unahin at pagtuunan ng mga senador.

https://balita.net.ph/2024/02/25/robin-sa-balitang-bubusisiin-drip-session-ni-mariel-nakakahiya-sa-taumbayan/

Kaugnay na Balita:

https://balita.net.ph/2024/02/25/drip-session-ni-mariel-sa-senado-hindi-raw-gluta-kundi-vitamin-c/

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...