Tila praktikal ang payo ni Vice President at Department of Education (DepEd) Secretary Sara Duterte para sa mga Pinoy ngayong Valentine’s Day.
Sa isang Tiktok video na ipinaskil ni Duterte, na kasalukuyang nasa Malaysia bilang bahagi ng kanyang tungkulin bilang pangulo ng Southeast Asian Ministers of Education Organization (SEAMEO), pinaalalahanan pa niya ang mga Pinoy na mas mahalaga ang bigas kaysa pag-ibig.
“Roses are red, violets are nice, but nothing compares to the way you spice up my rice!” caption pa ng naturang video.
“Para sa akin, mas importante ang bigas kesa sa pag-ibig kasi kung meron kang pag-ibig pero wala namang pambili ng bigas, para kang kumain ng kare-kare na walang kanin,” mensahe naman ng bise presidente sa wikang Bisaya. “Ganyan ang Valentine’s Day—bigas bago pag-ibig.”
