Nahagip ng mata ni American director-producer Joe Russo ang aktres na si Liza Soberano sa Hollywood debut film nitong “Lisa Frankenstein.”
Sa X post kasi ni Joe nitong Huwebes, Pebrero 1, pinuri niya si Liza nang sabihin niyang “ninanakaw” umano ng aktres ang bawat eksena sa pelikula.
https://twitter.com/joerussotweets/status/1752927514580934734
“Movies like LISA FRANKENSTEIN can be great vehicles to break new stars, and
@zeldawilliams and Diablo Cody found a superstar in Liza Soberano, who steals every scene she’s in as Lisa’s step-sister, Taffy,” pahayag ni Joe.
Sen. Kiko, nirerespeto desisyon ni Mayor Leni pero pinakamalakas na pambato pa rin sa 2028!
Si Joe—kasama ang kapatid niyang si Anthony Russo—ang direktor sa likod ng mga Marvel film na gaya ng Captain America: The Winter Soldier, Avengers: Infinity War, at Avengers: End Game.
Samantala, sinang-ayunan naman ng co-star ni Liza na si Kathryn Newton ang sinabi ni Joe tungkol sa Filipina actress. Narito ang kaniyang komento:
“YES SHE DOES ⭐️⭐️⭐️⭐️⭐️ I❤️ Liza”
Matatandaang nauna nang nagbigay ng papuri si Kathryn kay Liza na makikita sa comment section ng post ng aktres kung saan tampok ang bagong trailer ng “Lisa Frankenstein.”
MAKI-BALITA: Kathryn Newton, pinuri si Liza Soberano
Nakatakda namang ipalabas ang nasabing pelikula sa darating na Pebrero 9 sa iba’t ibang sinehan.
MAKI-BALITA: Debut Hollywood film ni Liza Soberano, nag-anunsyo na ng premiere date
