Matapos ang balitang magkakaroon na ng elective course sa University of the Philippines (UP) Diliman patungkol kay award-winning American singer-songwriter Taylor Swift, ilang netizens ang nagbigay ng reaksiyon at komento kung makatutulong daw ba sa Pilipinas at buhay ng tao ang pagkakaroon nito.

As expected, halo-halo ang reaksiyon at pagtanggap ng mga tao tungkol dito.

Ilang netizens, lalo na ang Swifties o tawag sa fans ng singer ang nagpahayag ng kanilang excitement tungkol dito, lalo na ang mga nag-aaral sa UP.

Subalit marami rin ang naghahanap ng "relevance" kung para saan daw ba ito, at kung anong trabaho ang makukuha niya kapag naka-graduate sa course na ito.

National

SP Chiz, nilinaw na 'di interesado maging Vice President

Kaya viral ang komento ng isang netizen sa isang online newspaper patungkol dito.

Aniya, "And pray tell me, what job can I get if ever I finished a course about this person?"

Paliwanag naman ng mga netizen, magkaiba ang "course" sa tinutukoy niyang "degree" o "program."

Malaki kasi ang pagkakaiba ng dalawa. Sa Pilipinas, nagkaroon ng "misconception" na kapag sinabing "course," ito ay tumutuloy sa "bachelor's degree."

Ngunit ang course o kurso sa kolehiyo ay tumutukoy sa asignatura, disiplina, o subject.

Ang degree o program naman ay ang mapagtatapusan, halimbawa ay Bachelor of Arts in Mass Communication, Bachelor of Secondary Education, at iba pa.

Narito ang ilan sa mga kuda ng netizens:

"Ang problem kasi eh tawag din ng madla sa 'college program/degree/major' is 'course' at yun ang nakasanayan natin."

"Parang bago nya problemahin ung TS course may ibang COURSE muna dapat syang intindihin."

"Ang course kasi ay part lang ng degree o program na kukunin mo sa college. Please pray for him."

"Program po kasi hahaha."

"Kaloka si Kuys, nakapag-English pero hindi alam pagkakaiba ng course and program."

Kaya sabi ng mga netizen, at least daw ay may linaw na tungkol dito sa pamamagitan ni Taylor Swift.