Pasok na ang Ginebra sa quarterfinals matapos ilampaso ang TNT, 86-78, sa pagpapatuloy ng PBA Season 48 Commissioner's Cup sa Araneta Coliseum nitong Lunes ng gabi.
Pinamunuan ni Scottie Thompson ang paghabol sa 13 bentahe ng Tropang Giga matapos magpakawala ng dalawang tres sa huling bahagi ng fourth quarter.
Kumubra ng 12 points si Thompson, dagdag pa ang pitong rebounds at pitong assists.
Naka-double-double naman ang kakamping si Christian Standhardinger sa nakolektang 22 points, 10 rebounds at anim na assists.
Todo-suporta naman sa kanila ang import na si Tony Bishop na nakaipon ng 15 points, 12 rebounds at anim na assists.
Nanguna naman si Calvin Oftana sa TNT matapos makapagtala ng 27 points kung saan pinunan nito ang pagkawala ng import na si Rondae Hollis-Jefferson.
National
