Binalaan ng Securities and Exchange Commission (SEC) ang publiko laban sa Superbreakthrough Enterprises Corporation dahil sa umano'y ilegal na pag-so-solicit ng investment.
Dahil dito, naglabas ng cease and desist order (CDO) ang ahensya laban sa nasabing kumpanya.
National
Dr. Edsel Salvana, nakatanggap ng 'Innovation Excellence Award for Research' mula sa PhilDev
Inatasan ng ahensya ang kumpanya na itigil na nito ang pagbebenta ng securities sa pamamagitan ng paggamit ng investment contracts, gamit ang pangalang 1UP Time, dahil sa kawalan ng kaukulang lisensya.
Saklaw ng nasabing kautusan ang presidente ng Superbreakthrough Enterprises Corp. Julius Allan Nolasco at ang kanilang directors, officers at agents.
”A careful examination and analysis of the investment scheme of 1UP Time will readily show that its success and viability is heavily dependent on recruitment and/or entry of new investors who are guaranteed P500 per new recruit/referral,” ayon sa kautusan.
Kamakailan, naglabas din ng cease and desist order ang SEC laban kay Nolasco dahil sa promotion ng kanyang illegal investment activities na pinadadaan sa Alphanetworld Corporation, mas kilala bilang NWorld.
Nag-ugat ang kauturan batay sa resulta ng monitoring activities ng SEC Enforcement and Investor Protection Department laban sa NWorld at kay Nolasco.
Sa nasabing monitoring activities nadiskubre ang operasyon ng Superbreakthrough Enterprises na nag-aalok ng mga health, wellness, skincare, at personal care product investment packages sa Youtube at Facebook.
Ang mga alok na produkto ay nagkakahalaga ng ₱10,000 hanggang ₱180,000 at pangakong 25% hanggang 35% returns ng product discounts, recruitment bonuses at iba pang incentives.
