Pinanumpa na ni Pangulong Ferdinand Marcos, Jr. sa tungkulin ang apat na itinalagang opisyal ng Maharlika Investment Corporation (MIC).
Kabilang sa mga nanumpa sina Asian Development Bank (ADB) officer Vicky Castillo Tan, Andrew Jerome Gan, German Lichauco, at Roman Felipe Reyes.
Nagtapos si Tan ng Bachelor of Science in Business Administration sa University of the Philippines-Diliman noong 1982.
Bago itinalaga sa naturang puwesto, nagtrabaho ito sa ADB mula Setyembre 2002 hanggang Enero 2021.
Si Gan ay nagtapos naman ng finance and business economics sa University of Notre Dame sa Indiana, United States of America noong 1985.
Dati rin siyang miyembro ng Board of Directors, Audit Committee, at Compensation Committee ng Capital Markets Integrity Corp. (CMIC).
Noong 1985, naka-graduate naman si Lichauco sa De La Salle University sa Maynila at nakuha nito ang kanyang Juris Doctor degree sa Ateneo De Manila University noong 1992.
Nagtrabaho rin siya bilang Senior Partner sa Siguion Reyna, Montecillo and Ongsiako Law Offices, at naging Pangulo rin ng Gemarvic Holdings Inc.
Nagtapos naman ng Commerce sa San Beda College si Reyes noong 1972 at nakuha nito ang Master of Business Administration-Finance degree sa University of Detroit, Michigan noong 1975.
Kasalukuyan siyang Director ng Radio Philippines Network Inc. (RPN 9); Pampanga Sugar Development Co. (Pasudeco); All-Asian Countertrade; Philippine Geothermal Production Co.; at Converge ICT Solutions.
