Mahigit sa ₱40 milyong halaga ng illegal drugs ang nahuli sa isang pinaghihinalaang high-value individual sa anti-drug operation ng pulisya sa Janiuay, Iloilo nitong Linggo.
Sa pahayag ng team leader ng Regional Police Drug Enforcement Unit (RPDEU)-Region 6 na si Capt. Glen Soliman, nakilala ang suspek na si alyas "Miklyn" at ito ay naaresto sa Sitio Siga2, Don T. Lutero East, dakong 7:33 ng umaga.
Probinsya
Pagpapapako ni Ruben Enaje sa krus, matutuldukan na ngayong taon?
“When we effect(ed) the arrest, we recovered several sachets and big packs of suspected shabu containing more than six kilos with a standard drug price of PHP40.8 million,” ayon sa opisyal.
Gayunman, binanggit ni Soliman, nakatakas sa operasyon ang kasabwat ng suspek na si alyas "Koi-Koi."
Aniya, dati nang naaresto ang dalawang suspek limang buwan na ang nakararaan dahil sa kahalintulad na kaso.
Naaresto na rin aniya si "Koi-Koi" noong 2018 at nakalaya sa pamamagitan ng plea bargaining noong 2021.
Nahaharap na sa kasong paglabag sa Comprehensive Dangerous Drugs Act of 2002 ang suspek.
PNA
