Kumpiyansa ang Department of Agriculture (DA) na tatagal pa ang supply ng bigas sa bansa hanggang sa susunod na anihan sa Marso o Abril 2024.
"At the end we’re expecting mga 85 to 90 days national stock inventory by end of December which is enough na maitawid natin hanggang sa susunod na harvest season come March or April,” paliwanag ni DA Assistant Secretary Arnel De Mesa sa isang pulong balitaan sa Quezon City nitong Sabado, Disyembre 16.
National
Dr. Edsel Salvana, nakatanggap ng 'Innovation Excellence Award for Research' mula sa PhilDev
“Siyempre mayroon din namang import na dumarating kasi liberalized naman iyong importation natin. Based on historical data, may dumarating din na imports additional during the first quarter,” pagdidiin ng opisyal.
Umaasa rin si De Mesa na magkakaroon ng imbak ang bansa ng 20 milyong metriko toneladang bigas bago matapos ang 2023.
Nitong Nobyembre aniya, nasa 3.03 milyong metriko toneladang bigas ang imbak ng pamahalaan, mas mababa kumpara sa naitalang 3.5 milyong metriko tonelada sa kaparehohg panahon nitong 2022.
Sa ngayon aniya, hinihintay pa ng gobyerno ang 95,000 metriko toneladang Indian rice na bahagi ng 295,000 metriko toneladang nabili ng pamahalaan.
PNA
