Kinumpirma ng Department of Health (DOH) nitong Miyerkules na apat na ang kaso ng ‘walking pneumonia’ sa bansa ngayong taon.
Sa datos ng DOH hanggang noong Nobyembre 25, 2023, isa sa mga kaso ang naitala noong Enero, isa sa Hulyo at dalawa noong Setyembre.
Natuklasan din nila ang mga kaso sa mga naitalang kaso ng influenza-like illness sa bansa.
Nilinaw naman ng DOH na ang mycoplasma pneumonia ay hindi isang novel o bagong pathogen at dati na ring natukoy sa mga local na kaso.
Una na ring sinabi ni Health Secretary Ted Herbosa na walang outbreak ng sakit sa bansa.
National
