Dinisqualify na ng Commission on Elections (Comelec) sa lahat ng procurement ang service provider na Smartmatic.
Ito ang isinapubliko ni Comelec chairman George Garcia nitong Miyerkules.
“We disqualified Smartmatic to participate in all Comelec procurement,” sabi ni Garcia sa mga mamamahayag.
Nitong Hunyo 15, naghain ng petisyon si dating Department of Information and Communications Technology chief Eliseo Mijares Rio Jr., Augusto Cadelina Lagman, Franklin Fayloga Ysaac, at Leonardo Olivera Odono laban sa Smartmatic dahil bagsak ito sa minimum system capabilities na nagdulot ng irregularidad sa transmission at pagtanggap ng election return sa nakaraang 2022 national elections.
National
Dr. Edsel Salvana, nakatanggap ng 'Innovation Excellence Award for Research' mula sa PhilDev
Sa resolusyon ng en banc kaugnay ng petisyon laban sa Smartmatic, dinisqualify ang naturang service provider dahil sa bribery allegations laban kay dating Comelec chairperson Juan Andres Bautista kapalit ng pag-a-award ng kontrata sa nasabing kumpanya para sa election machines.
“It was revealed that Bautista established a foreign shell company, which was used to receive bribe payments from Smartmatic. The charges against Smartmatic and former Chairman Bautista are of public knowledge and tend to cause speculation and distrust in the integrity of the electoral process,” anang resolusyon ng Comelec.
