Niyanig ng magnitude 4.9 na lindol ang probinsya ng Camarines Sur nitong Huwebes ng madaling araw, Nobyembre 30, ayon sa Philippine Institute of Volcanology and Seismology (Phivolcs).
Sa tala ng Phivolcs, nangyari ang lindol na tectonic ang pinagmulan dakong 3:18 ng madaling araw.
Namataan ang epicenter nito 7 kilometro ang layo sa timog-silangan ng Calabanga, Camarines Sur, na may lalim na 4 kilometro.
Naiulat ang Intensity V sa Tinambac, CAMARINES SUR, habang Intensity IV sa Naga, Calamigan, at Calabanga, CAMARINES SUR
Sen. Imee, okay lang kahit di binanggit ni PBBM sa campaign rally; tutok kay FPRRD
Nasa Intensity III naman umano sa City of Iriga, Bula, at Presentacion, CAMARINES SUR; Lopez, Quezon; Intensiy II sa Goa at Cabusao, CAMARINES SUR; Mercedes, Daet, at Basud, CAMARINES NORTE; Guinayangan, QUEZON, at Intensity I sa City of Legazpi, ALBAY.
Samantala, naitala ang Instrumental Intensities sa mga sumusunod na lugar:
Intensity VI - Tinambac, CAMARINES SUR
Intensity IV - Pili, CAMARINES SUR
Intensity III - Pasacao, CAMARINES SUR
Intensity II - Guinayangan, QUEZON
Intensity I - Tabaco, ALBAY; Jose Panganiban, CAMARINES NORTE; Polillo, QUEZON
Hindi naman inaasahang magkakaroon ng aftershocks ang lindol, ngunit posible umanong magdulot ng pinsala ang nasabing pagyanig.
