Nasa maayos na umano ang kalagayan ng 17 Pinoy na kabilang sa mga hinostage ng mga rebeldeng Houthi sa Red Sea, Yemen kamakailan.
Ito ang pahayag ng Department of Foreign Affairs (DFA) nitong Huwebes at sinabing patuloy pa rin silang nakikipag-usap sa mga foreign government para sa kalayaan ng mga nasabing Pinoy.
National
Dr. Edsel Salvana, nakatanggap ng 'Innovation Excellence Award for Research' mula sa PhilDev
“Government sources say that the hostages are in good condition, and will eventually be released. Efforts are ongoing for this to happen as soon as possible,” anang DFA.
Nauna nang inihayag ni Pangulong Ferdinand Marcos, Jr. na magpapadala siya ng high-level delegation sa Tehran, Iran upang magbigay ng kinakailangang tulong sa mga naturang hostage.
Kabilang ang naturang 17 Pinoy sa 25 tripulante ng Galaxy Leader na kinubkob ng mga rebeldeng Houthi nitong Nobyembre 19.
PNA
