Tila hindi pa rin naaayos ang gusot sa pagitan nina TV host-comedian Anjo Yllana at ng kapatid nitong si Jomari Yllana.
Sa latest vlog kasi ng actress-politician na si Aiko Melendez nitong Miyerkules, Nobyembre 22, nabanggit ni Aiko kay Anjo na hindi umano sila nag-uusap ni Jomari. Si Jomari ay dating asawa ni Aiko.
“Huwag kang mag-alala, hindi rin kami nag-uusap,” segunda naman ni Anjo sabay tawa.
Bagama’t ayaw na niyang magbanggit pa ng ilan pang detalye, aminado naman si Anjo na may problema talaga sila ni Jomari.
MANIBELA magkakasa ng libreng sakay sa Pasko at Bagong Taon
“I just don’t wanna lie na mayroong hindi tama. May problema kaming magkapatid but that’s between us. As much as possible, ayaw ko na ngang pag-usapan,” saad ni Anjo.
Pero masaya naman daw si Anjo para sa kapatid na kamakailan lang ay ikinasal na kay Abby Viduya o mas nakilala bilang Priscilla Almeda.
Matatandaang noong nakaraang taon ay inakusahan ni Anjo si Jomari na nambulsa raw ng campaign funds.
MAKI-BALITA: Jomari at Abby, inakusahan ni Anjo Yllana; binulsa raw ang campaign funds?
