Inanunsyo ng Philippine National Police (PNP) na kasama sa kanilang binalasa ang limang ranking officials nito.
Ito ang nakasaad sa kautusan ni PNP chief, Gen. Benjamin Acorda, Jr. na may petsang Nobyembre 17.
National
'Julian' malapit nang maging 'super typhoon'; Signal No. 4, itinaas sa 2 lugar sa Luzon
Binanggit sa naturang order si Director for Information and Communication Technology Management (DICTM) Maj. Gen. Bernard Banac na itinalaga bilang hepe ng Director of the Special Action Force (SAF), kapalit ni Maj. Gen. Rudolph Dimas.
Inilipat naman si Dimas sa Directorate for Plans (DPL) na pamumunuan nito.
Ang dating hepe ng DPL na si Brig. Gen. Neil Alinsañgan ay itinalaga bilang hepe ng DICTM kapalit ni Banac, habang si Brig. Gen. John Chua na dating hepe ng Police Regional Office-Ilocos (PRO-1) ay magiging hepe ng Area Police Command (APC) sa Visayas.
"Brig. Gen. Lou Evangelista, director of Police Community Affairs and Development Group (PCADG), will replace Chua at PRO-1, while Col. Restituto Arcangel will be the PCADG director," ani Acorda.
“If there are any changes in the command because of vacancies, if somebody is retiring or there are problems with commanders on the ground, that's the only time we do a reshuffle. It's only done to fill up vacancies that will be created," dagdag pa ni Acorda.
PNA
