Niyanig ng magnitude 7.2 na lindol ang probinsya ng Davao Occidental nitong Biyernes ng hapon, Nobyembre 17, ayon sa Philippine Institute of Volcanology and Seismology (Phivolcs).
Sa tala ng Phivolcs, nangyari ang lindol na tectonic ang pinagmulan dakong 4:14 ng hapon.
Namataan ang epicenter nito 30 kilometro ang layo sa timog-kanluran ng Sarangani, Davao Occidental, na may lalim na 10 kilometro.
Naiulat ang Instrumental Intensities sa mga sumusunod na lugar:
Ex-VP Leni sa pagsalubong niya kay PBBM: ‘Isang pagbibigay-respeto sa posisyon’
Intensity VIII - Glan, SARANGANI; General Santos City, SOUTH COTABATO
Intensity V - Matanao, DAVAO DEL SUR; Maasim, Malapatan, SARANGANI; Lake Sebu, Tampakan, Polomolok, Banga, SOUTH COTABATO
Intensity IV - Kidapawan City, COTABATO; Magsaysay, Davao City, DAVAO DEL SUR; Don Marcelino, Jose Abad Santos, DAVAO OCCIDENTAL; Kiamba, Maitum, SARANGANI; Norala, Tantangan, SOUTH COTABATO; President Quirino, Lebak, Isulan, Esperanza, Columbio, Kalamansig, SULTAN KUDARAT
Pinag-iingat ng Phivolcs ang mga residente sa posibleng aftershocks ng lindol.
Maaari rin umanong magdulot ng pinsala ang nasabing pagyanig.
