Nagbigay ng reaksyon si Kabataan Party-list Rep. Raoul Manuel hinggil sa pagpapadala ng Quezon City Prosecutor’s Office ng subpoena kay dating Pangulong Rodrigo Duterte kaugnay ng kasong “grave threats” na isinampa ni House Deputy Minority Leader at ACT Teachers Partylist Rep. France Castro.

Sa isang pahayag nitong Miyerkules, Nobyembre 15, sinabi ni Manuel na nararapat lamang umano ang nangyaring pagpapadala ng subpoena sa dating pangulo.

“Dasurb! He uttered a death threat against fellow lawmaker France Castro. He also aimed to intimidate us, lawmakers, who are calling to abolish confidential funds and stop its abuse by public officials (including his daughter, the sitting vice president),” giit ni Manuel.

Duterte, pinadalhan ng subpoena ukol sa ‘grave threats’ vs Castro

“No portion of public funds should be shrouded in secrecy. No single human should be exempted from accountability,” saad pa niya.

Matatandaang Oktubre 24, 2023 nang magsampa si Castro ng kasong kriminal laban kay Duterte dahil sa “death threats” umanong binitawan ng dating pangulo laban sa kaniya.

https://balita.net.ph/2023/10/24/rep-castro-kinasuhan-si-ex-pres-duterte/

Ito ay kaugnay ng naging patutsada kamakailan ni Duterte kay Castro sa isang panayam ng SMNI, kung saan sinabi niyang gagamitin umano ng kaniyang anak na si Vice President Sara Duterte ang confidential at intelligence funds (CIF) ng tanggapan nito para sa Reserve Officers’ Training Corps (ROTC) at upang ihinto umano ang communist insurgency sa bansa.

“Pero ang una mong target sa intelligence fund mo, ‘kayo, ikaw, France (Castro), kayong mga komunista ang gusto kong patayin,” ani Duterte kamakailan.