Tila merry ang Christmas ng isang taga-Valenzuela matapos manalo ng mahigit ₱5 milyon sa Lotto 6/42 na binola nitong Martes ng gabi, Nobyembre 14.
Ayon sa Philippine Charity Sweepstakes Office (PCSO), matagumpay na nahulaan ng lucky winner ang winning combination na 01-12-21-28-08-18 na may tumataginting na ₱5,940,000 na jackpot prize.
Leni Robredo binisita puntod ng asawa bago tuluyang naghain ng COC sa Naga City
Dagdag pa ng PCSO, nabili ang winning ticket sa Marulas, Valenzuela.
Upang makubra ang premyo, pumunta lamang sa tanggapan ng PCSO sa Mandaluyong City at dalhin ang winning ticket at dalawang valid ID.
Ang premyong napanalunan na lagpas sa ₱10,000 ay sasailalim sa 20 porsiyentong tax na alinsunod sa TRAIN Law.
Ang lahat naman ng premyo na hindi makukubra, sa loob ng isang taon, mula sa petsa nang pagbola dito, ay awtomatikong mapo-forfeit at mapupunta sa kanilang Charity Fund.
