Niyanig ng magnitude 4.7 na lindol ang probinsya ng Sarangani nitong Martes ng umaga, Nobyembre 14, ayon sa Philippine Institute of Volcanology and Seismology (Phivolcs).
Sa tala ng Phivolcs, nangyari ang lindol na tectonic ang pinagmulan dakong 8:10 ng umaga.
Namataan ang epicenter nito 19 kilometro ang layo sa timog-kanluran ng Maitum, Sarangani, na may lalim na 26 kilometro.
Naiulat ang Intensity III sa City Of General Santos.
Ex-Pres. Duterte, itinangging nag-alok ng ‘cash rewards’ para sa drug war
Naitala naman ang Instrumental Intensities sa mga sumusunod na lugar:
Intensity V - Kiamba, Sarangani
Intensity IV - City Of General Santos
Intensity III - Pikit, Cotabato; Malungon at Maasim, Sarangani; Tupi at Polomolok, South Cotabato
Intensity II - Don Marcelino, Davao Occidental; Alabel, Glan, at Malapatan, Sarangani; City of Koronadal, South Cotabato
Intensity I - Tantangan, South Cotabato
Wala namang inaasahan ang Phivolcs na posibleng aftershocks ng lindol.
Hindi rin umano inaasahang magdudulot ng pinsala ang nasabing pagyanig.
