Roque, 'di sang-ayon pero nirerespeto desisyon ng Korte kay De Lima-Balita

Hindi sang-ayon ngunit nirerespeto ni Atty. Harry Roque, dating spokesman ni dating Pangulong Rodrigo Duterte, ang desisyon ng Muntinlupa Court matapos payagang magpiyansa si dating Senador Leila de Lima.

Nitong Lunes, Nobyembre 13, sinabi ng legal counsel ni De Lima na si Atty. Boni Tacarardon na pinayagan ng Muntinlupa Regional Trial Court (RTC) Branch 206 ang motion for reconsideration para sa petisyon ng pagpiyansa ang dating senador.

Maki-Balita: ‘Makakalaya na!’ De Lima, pinayagang magpiyansa

Sa panayam ni Roque sa Teleradyo nito ring Lunes, sinabi niyang nirerespeto niya ang desisyon ng Korte.

“Unang-una tayo po ay isang abogado, we are an officer of the Court. Hindi man tayo sumang-ayon sa desisyon na 'yan, nirerespeto natin 'yan dahil 'yan po ang naging husgado ng hukuman,” anang dating spokesman.

Dagdag pa niya, ang pagpipiyansa kay De Lima ay maaari raw magdala ng hindi magandang mensahe sa mga testigo.

“Pero para sa akin po, 'yan ay nagpapadala ng hindi mabuting mensahe sa mga testigo...

“Nirerespeto natin ‘yan pero ako po talaga ay may alinlangan diyan dahil ibig sabihin po niyan, pinaniniwalaan na ngayon ng hukuman ang mga papalit-palit na bersyon ng mga testigo," ani Roque.

"Sana ay maparusahan ang mga nagbaliktad ng kanilang testimonya dahil ‘yan po ay isang krimen,” saad pa niya.

Matatandaang unang nakulong si De Lima noong 2017 dahil sa umano’y pagkakasangkot niya sa illegal drug trade sa loob ng New Bilibid Prison, bagay na paulit-ulit niyang itinanggi.

Maki-Balita: ‘Makakalaya na!’ De Lima, pinayagang magpiyansa

Samantala, matapos payagang makapagpiyansa, nakalaya na si De Lima.

“Precious freedom! Free at last!” pahayag ng dating senador sa kaniyang paglabas sa Philippine National Police (PNP) Custodial Center sa Camp Crame nitong Lunes ng gabi.

“Pinakahihintay ko sa buhay ko for more than six years. Ito na, dumating na po. Maraming salamat,” saad pa niya.

Maki-Balita: ‘Precious freedom!’ De Lima, nakalabas na ng Camp Crame

PBBM sa National Teacher's Day: 'I wish you a joyful and productive celebration'

Nagpaabot ng mensahe si Pangulong Ferdinand “Bongbong” Marcos, Jr. para sa mga guro bilang bahagi ng National Teacher’s Day Celebration ngayong Sabado, Oktubre 5.Sa mensaheng inilabas ng Malacañang, sinabi ng pangulo na kinikilala umano nila ang lahat ng guro sa iba’t ibang panig ng mundo na ibinabahagi ang kahalagahan ng kahusayan at pagsisikap.“We acknowledge our educators all around...

Labor leader Sonny Matula, muling tatakbong senador sa 2025

Muling tatakbo ang lider-manggagawang si Atty. Sonny Matula bilang senador sa 2025 midterm elections upang patuloy raw na isulong ang karapatan ng mga manggagawa sa bansa, tulad ng pagpapataas ng kanilang mga sahod.Naghain ng certificate of candidacy (COC) si Matula nitong Sabado, Oktubre 5, sa The Manila Hotel Tent City.'Now na ang panahon para sa pagbabago, bagong dugo at bagong mukha naman...

Davao Occidental, niyanig ng magnitude 4.0 na lindol

Niyanig ng magnitude 4.0 na lindol ang probinsya ng Davao Occidental nitong Sabado ng umaga, Oktubre 5.Sa tala ng Philippine Institute of Volcanology and Seismology (Phivolcs), nangyari ang lindol na tectonic ang pinagmulan dakong 6:22 ng umaga. Namataan ang epicenter nito 431 kilometro ang layo sa timog-silangan ng Balut Island sa munisipalidad ng Sarangani, Davao Occidental, na may lalim na 249...