Dinampot ng Philippine Coast Guard (PCG) ang isang human trafficking suspect habang sakay ng isang roll-on, roll off (RoRo) vessel patungong Manila mula sa Iloilo City nitong Sabado.
Kinilala ng PCG ang suspek na si Alissa May Ropenta, alyas "Ate Saysay" na isa sa dalawang indibidwal na pinaghahanap ng batas dahil sa kasong Anti-Trafficking in Person.
Inaresto si Ropenta ng mga tauhan ng Coast Guard sea marshals at Coast Guard Security and Border Protection Service (CGSBPS) habang sakay ng M/V Maligaya patungong Manila mula sa Iloilo City, sa bisa ng warrant of arrest na inilabas ng Cagayan De Oro Regional Trial Court.
Nakatakang ibiyahe si Ropenta patungong Cagayan de Oro upang harapin ang kaso nito.
Probinsya
