Castro, nag-react sa pagbawi ni VP Sara sa hiling na 2024 confidential funds-Balita

Nagbigay ng reaksyon si ACT Teachers Party-list Rep. France Castro sa naging pahayag ni Vice President at Education Secretary Sara Duterte na hindi na nila ipupursige ang hiling na confidential funds ng kaniyang mga tanggapan na Office of the Vice President (OVP) at Department of Education (DepEd) para sa 2024.

Matatandaang inihayag ni Duterte nitong Huwebes, Nobyembre 9, na hindi na nila iaapela ang ₱650 milyong pinagsamang confidential funds ng OVP at DepEd dahil lilikha lamang umano ito ng pagkakawatak-watak ng sambayanan.

“We will no longer pursue the Confidential Funds. Why? Because this issue is divisive, and as the Vice President, I swore an oath to keep the country peaceful and strong,” pahayag ni Duterte.

MAKI-BALITA: VP Sara, ‘di na ipupursige ang confidential funds ng OVP para sa 2024

MAKI-BALITA: VP Sara, isinuko na rin hiling ng DepEd na 2024 confidential funds

"Kaya lang naman naglabas ng ganitong pahayag ang OVP dahil nalantad na sa publiko ang pang-aabuso sa confidential fund kaya dapat pa din tayong maging mapagbantay at tutulan ito,” giit naman ni Castro.

"Di naman talaga mandato ng Opisina ng Bise-Presidente na magkaroon ng confidential at intelligence funds kaya walang karapatan magkaroon ang mga opisina niya ng ganito," dagdag pa niya.

Samantala, binigyang-diin din ng Makabayan solon na hindi pa rin umano sinasagot ng OVP kung paano nila ginastos ang ₱125 milyong confidential funds nito noong 2022 sa loob ng 11 araw.

MAKI-BALITA: ₱125-M confidential funds ng OVP, ginastos sa loob ng 11 araw – Quimbo

"Hindi pa din maayos na sinasagot ng OVP kung paano at saan ginamit ang iligal na P125 milyong confidential funds nito noong 2022. Hindi mabubura ng very belated at pilit na statement ng OVP ang mga tanong ng mamamayan," ani Castro.

"Dapat na talagang i-abolish ang confidential funds," saad pa niya.

Matatandaang bago ang naturang Senate plenary session, nagdesisyon ang Kamara kamakailan na isama ang nasabing panukalang 2024 confidential funds ng OVP at DepEd sa mga ililipat sa mga ahensyang nakatutok sa isyu ng West Philippine Sea (WPS) at may kinalaman sa “peace and order” ng bansa.

Ilang LGUs naglabas na ng guidelines para sa Undas 2024

Halos isang linggo bago sumapit ang Undas, ilang local government units (LGUs) na ang naglabas ng guidelines tungkol sa mga magiging panuntunan nila sa nasabing okasyon.Ang lungsod ng Maynila City, kung saan ang malalaking sementeryo katulad ng Manila North at South Cemetery ay nauna nang maglabas ng kanilang guidelines noon pang isang linggo.Sa kanilang opisyal Facebook account na Manila Public...

Akbayan kay VP Sara: ‘Ngayon na lang nagsalita sa WPS, ginamit pang patutsada sa kalaban!’

Mariing kinondena ni Akbayan Partylist Rep. Perci Cendaña ang paggamit ni Vice President Sara Duterte sa West Philippine Sea (WPS) bilang pagpapatutsada raw sa mga kalaban, dahil matagal na umanong tahimik ang bise presidente tuwing nakararanas ng “harassment” ang mga mangingisda doon.“She has been silent while our fishers faced harassment and our sovereignty was threatened. Now, in a...

PBBM at FL Liza, lilipad pa-Jakarta sa Oct. 20

Lilipad patungong Jakarta sina Pangulong Ferdinand “Bongbong” Marcos Jr. at First Lady Liza Araneta-Marcos sa Linggo, Oktubre 20, upang dumalo sa inagurasyon nina Indonesian President-elect Prabowo Subianto at Vice President-elect Gibran Rakabuming.Sa isang pahayag nitong Sabado, Oktubre 19, na inulat ng Manila Bulletin, ibinahagi ng Presidential Communications Office (PCO) na si Indonesian...