Kasado na ang face-to-face mass oathtaking para sa bagong certified public accountants (CPAs) ng bansa, ayon sa Professional Regulation Commission (PRC) nitong Huwebes, Nobyembre 9.
Sa tala ng PRC, magaganap ang naturang in-person oathtaking sa Disyembre 11, 2023, dakong 2:00 ng hapon sa Cebu Parklane International Hotel sa Cebu City, at dakong 6:00 ng gabi sa Grand Men Seng Hotel sa A. Pichon St. sa Davao City.
“All successful examinees who are interested to attend the face-to-face mass oathtaking shall register not later than 12:00 NN of the day prior to the date of the oathtaking at http://online.prc.gov.ph to confirm their attendance,” pahayag ng PRC.
“Inductees are required to PRINT the Oath Form with the generated QR code which will be submitted during the oathtaking in order to be tagged as ‘attended’,” dagdag pa nito.
Ilang LGUs naglabas na ng guidelines para sa Undas 2024
Samantala, kinakailangan umanong magdala ang inductees ng kanilang COVID-19 vaccination vard sa araw ng oathtaking.
“It is advised that inductees register and confirm their attendance in the regions where they took their licensure examination and intend to register as professionals,” saad pa ng PRC.
Para naman sa mga hindi makakapunta sa nakatakdang face-to-face mass oathtaking, maaari pa rin silang dumalo sa pamamagitan ng isasagawang online oathtaking o mag-request ng isang special oathtaking.
Iaanunsyo umano ang schedule ng online oathtaking kapag naisapinal na ito.
“After the oathtaking, inductees shall proceed with their Initial Registration by securing an online appointment at http://online.prc.gov.ph,” saad ng PRC.
