Bumaba sa 4.9% ang inflation rate sa Pilipinas nitong buwan ng Oktubre mula sa 6.1% na datos noong Setyembre, ayon sa Philippine Statistics Authority (PSA) nitong Martes, Nobyembre 7.

Ayon sa PSA, ang naturang datos nitong Oktubre ang nagdulot ng pagkakaroon ng national average inflation ng Pilipinas na 6.4% mula Enero hanggang Oktubre 2023.

“In October 2022, inflation rate was higher at 7.7 percent,” saad ng PSA.

Samantala, inihayag ng PSA na nagbigay ng pinakamalaking kontribusyon sa naturang pagbaba ng overall inflation rate nitong Oktubre 2023 ang “slower year-on-year increase” ng heavily-weighted food at non-alcoholic beverages sa 7.0% mula sa naitalang 9.7% noong Setyembre.

Ilang LGUs naglabas na ng guidelines para sa Undas 2024

Ilang LGUs naglabas na ng guidelines para sa Undas 2024

“The restaurants and accommodation services, with an inflation rate of 6.3 percent during the month from 7.1 percent in September 2023, also contributed to the downtrend of the headline inflation,” saad pa ng PSA.

Bukod dito, binanggit din ng PSA na ang mas mabagal na annual increase ay nakita sa mga index ng mga sumusunod na commodity groups nitong Oktubre:

  • Alcoholic beverages at tobacco (9.3% inflation mula 9.8%);       

  • Furnishings, household equipment at routine household maintenance (5.3% mula 5.4%);

  • Health (4.0% mula 4.1%);    

  • Transport (1.0% mula 1.2%);    

  • Recreation, sport at culture (5.0% mula 5.1%); at

  • Personal care, at miscellaneous goods and services (5.3% mula 5.4%).