Inanunsyo ng Professional Regulation Commission (PRC) nitong Lunes, Nobyembre 6, na 33.71% o 716 sa 2,124 examinees ang nakapasa sa October 2023 Fisheries Technologist Licensure Examination.
Sa inilabas na resulta ng PRC, kinilala si Adrian Cayabyab Dela Cruz mula sa Pangasinan State University- Binmaley bilang topnotcher matapos siyang makakuha ng 87.50% score.
Wala naman umanong naging kwalipikado para sa top performing school sa naturang pagsusulit.
Isinagawa umano ang naturang pagsusulit mula Oktubre 25 hanggang 26, 2023 sa mga testing center sa National Capital Region (NCR), Baguio, Butuan, Cagayan de Oro, Calapan, Cebu, Davao, Iloilo, Koronadal, Legazpi, Lucena, Pagadian, Rosales, Tacloban, Tuguegarao, at Zamboanga.
