Mga gurong nagsilbi sa BSKE, walang overtime pay

By Mary Ann Santiago

November 02, 2023

In BALITA National

Hindi umano maaaring makapagbigay ang Commission on Elections (Comelec) ng overtime pay para sa mga gurong nagsilbi bilang board of election inspectors (BEIs) sa katatapos na 2023 Barangay at Sangguniang Kabataan Elections (BSKE).

Ito ang naging tugon ni Comelec Chairman George Erwin Garcia sa apela ng Teachers’ Dignity Coalition (TDC) na pagkalooban ng overtime pay ang mga guro na walang tigil na nagtrabaho sa halalan ng mahigit sa 24-oras.

Ayon kay Garcia, naisin man nilang pagkalooban ng overtime pay ang mga guro ay hindi naman nila ito kayang gawin dahil wala aniyang budget ang poll body para dito.

Aniya, sa ilalim ng joint circular ng Commission on Audit – Department of Budget and Management (COA-DBM), tanging ang mga empleyado lamang ng ahensiya ang entitled sa overtime pay.

Ipinaliwanag pa niya na ang mga gurong nagsilbi bilang electoral board members noong eleksiyon ay hindi empleyado ng Comelec.

“In as much as we would like to give, however, there is this joint COA-DBM (Commission on Audit – Department of Budget and Management) circular which provides that only employees of an agency [are] entitled to claim overtime. The teachers who served as electoral board members are not employees of Comelec,” pahayag pa ni Garcia, nang matanong ng mga mamamahayag hinggil sa apela ng TDC.

Una nang sinabi ni TDC Chair Benjo Basas na ang mga empleyado ng Department of Education (DepEd) ay nagtrabaho ng higit 24-oras sa halalan, kaya’t marapat lamang silang mapagkalooban ng overtime pay.

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...