Umabot pa sa 113 ang naitalang pagyanig ng Bulkang Mayon sa nakaraang 24 oras, ayon sa Philippine Institute of Volcanology and Seismology (Phivolcs).
Ipinahayag ng Phivolcs, nagkaroon din ng 133 rockfall events ang bulkan, bukod pa ang naitalang tatlong pyroclastic density current (PDC) events.
Sinabi ng ahensya, nagbuga rin ang bulkan ng 2,506 tonelada ng sulfur dioxide.
Naobserbahan din ang pagragasa ng lahar sa Mi-isi, Bonga at Basud Gullies.
Hindi matiyak ng Phivolcs kung nagbuga ng puting usok ang bulkan dahil natakpan ng ulap ang bunganga nito.
Isinailalim pa rin sa Level 3 ang alert status ng Mayon Volcano kung saan ipinagbabawal pa ring ang pagpasok sa 6-kilometer radius permanent danger zone (PDZ) nito.
