Isang lalaki na hinihinalang biktima ng salvage, ang natagpuan sa isang bangin sa gilid ng kalsada sa Rodriguez, Rizal nitong Lunes.
Inaalam pa ng mga awtoridad ang pagkakakilanlan ng biktima na natagpuang nakahandusay sa madamong bahagi ng bangin, sa gilid ng Macabud Road, sa Sitio Calumpit, Brgy. Macabud, Rodriguez 1, gayundin ng mga salarin sa krimen.
Agusan del Sur, nilindol ng magnitude 5.3
Batay sa ulat ng Rodriguez Municipal Police Station, dakong alas-7:00 ng umaga nang madiskubre ng isang concerned citizen ang bangkay kaya’t kaagad na ipinagbigay-alam sa mga awtoridad.
Kaagad namang rumesponde ang mga pulis at nakita ang bangkay na may nakabalot na t-shirt sa ulo habang ang mga kamay ay nakatali ng kulay berdeng scarf.
Posible umaanong pinatay muna sa ibang lugar ang biktima at itinapon lamang sa naturang lugar upang iligaw ang imbestigasyon sa krimen.
Patuloy ang imbestigasyon sa kaso.
