Nanguna si ACT-CIS Party-list Rep. Erwin Tulfo sa resulta ng commissioned survey ng OCTA Research hinggil sa top 20 “most preferred senatorial bets” para May 2025 election.
Sa inilabas na resulta ng survey ng OCTA nitong Lunes, Oktubre 23, nanguna si Tulfo sa naturang listahan kung saan 60% umano ng mga Pilipino ang may planong iboto sa pagka-senador siya sa susunod na election.
Pumangalawa naman umano si Senador Christopher “Bong” Go na may 49% voting preference, habang nasa top 3 hanggang 5 si dating Senador Vicente “Tito” Sotto III na may 42% voting preference.
Nasa rank 3 hanggang 7 naman umano sina Senador Imee Marcos at Senador Ronald “Bato” Dela Rosa, kung saan pareho raw silang nakatanggap ng 39% voting preference.
Kiko Pangilinan, nanawagang imbestigahan ang ticket scalping sa bansa
Samantala, ayon sa OCTA, kasama rin sa top 20 “most preferred senatorial bets” ang mga sumusunod:
- Rank 4-9 – Senador Pia Cayetano – 36% voting preference
- Rank 4-9 – Dating Manila Mayor Francisco “Isko Moreno” Domagoso – 35% voting preference
- Rank 6-10 – Dating Senador Panfilo “Ping” Lacson – 32% voting preference
- Rank 6-10 – Senador Ramon “Bong” Revilla – 32% voting preference
- Rank 8-12 – Senador Francis Tolentino – 28% voting preference
- Rank 10-13 – Senador Lito Lapid – 26% voting preference
- Rank 10-13 – Dating Senador Manny Pacquiao – 26% voting preference
- Rank 11-18 – Doc. Willie Ong – 21% voting preference
- Rank 13-23 – Dating Senador Francis “Kiko” Pangilinan – 19% voting preference
- Rank 13-23 – Dating Senador Gringo Honasan – 19% voting preference
- Rank 13-23 – Dating Vice President Noli De Castro Jr. – 19% voting preference
- Rank 13-27 – National Defense Secretary Gilbert “Gibo” Teodoro – 18% voting preference
- Rank 13-29 – Dating Senador Richard “Dick” Gordon – 16% voting preference
- Rank 14-32 – Local Government Secretary Benjamin “Benhur” Abalos Jr. – 15% voting preference
- Rank 14-32 – Dating Vice President Maria Leonor “Leni” Robredo – 15% voting preference
