Anji Salvacion parang naka-botox ang fez, di makita facial lines---Ogie Diaz-Balita

Anji Salvacion parang naka-botox ang fez, di makita facial lines---Ogie Diaz

Muling nakatikim ng sita mula kay Ogie Diaz ang isa sa mga "Linlang" cast member na si Anji Salvacion, gayundin ang katambal niya rito na si Kice, na naging contestant sa "Idol Philippines Season 2."

Ang Linlang ay teleseryeng pinagbibidahan nina Kim Chiu, JM De Guzman, at Paulo Avelino na eksklusibong mapapanood sa Prime Video sa pamamagitan ng subscription.

Number 1 na nga ito sa nabanggit na online streaming at trending na rin ang mga eksena.

Sa panibagong paninita ni Ogie kina Anji at Kice sa X, sinabi ng showbiz columnist na nagpapa-acting workshop din sa aspiring artists, na parang naka-botox ang mukha ni Anji kaya hindi makita ang facial lines. Si Kice naman daw ay parang kinakain ang mga linya niya.

"Episode 5 & 6 na, malakas na sana ang presence ni Anji, pero scripted pa din ang delivery ng lines, saka parang naka-botox ang mukha, kaya hindi makita ang facial lines. Si Kice, kinakain ang linya. Make this as your motivation, mga bagets, to be better next time.✌️😍," aniya.

https://twitter.com/ogiediaz/status/1714805971955192205

Sa isa pang X post, pinuri pa ni Ogie ang batang gumanap na anak nina Kim at Paulo sa serye, na mas magaling pa raw sa ibang cast members.

"Mahusay yung batang gumanap na Abby, anak nina Juliana at Victor. Mas mahusay sa ibang nasa cast. 😍 #Linlang."

Bukod kay Anji at Kice, hindi rin nakaligtas ang bida nitong si Kim sa "sita" ni Ogie.

"Si Kim Chiu kung minsan, bumibitaw sa character ni Juliana. Kumi-Kim Chiu ang ibang nuances. Pero madalas naman siyang Juliana. #Linlang on Prime Video."

https://twitter.com/ogiediaz/status/1714804332254953680

Puring-puri naman siya kay Paulo na hindi raw bumibitaw sa kaniyang karakter.

"Bitin na naman ako sa #Linlang. Nyeta! Ang husay-husay ni@mepauloavelino! Consistent sa kanyang character. Nuances, gestures — siya si Victor, hindi bumibitaw sa karakter. 👏👏👏."

https://twitter.com/ogiediaz/status/1714802254497329516

Samantala, wala pang tugon, reaksiyon, o pahayag sina Anji at Kice tungkol dito.

MAKI-BALITA: Ogie Diaz, nilinaw ang puna kina Anji at Kice sa ‘Linlang’

MAKI-BALITA: Ogie Diaz ano raw ‘K’ magpa-acting workshop; sumagot sa hanash

Empleyadong lasing, patay matapos sapakin ng ginising na katrabaho

Patay ang lasing na empleyado mula sa Kananga, Leyte matapos umanong sapakin ng kaniyang kasamahan sa trabaho na pinagmalasakitan lang gisingin, Linggo, Disyembre 22.Ayon sa ulat ng News5, pauwi na raw sana mula sa Christmas party ang lasing na biktima nang makita niya ang natutulog na suspek sa gymnasium.Nilapitan daw ng biktima ang suspek upang gisingin ito, at nang marinig daw na may tila ibang...

Romina, patuloy na kumikilos patungong Southern Kalayaan Islands

Patuloy pa rin ang pagkilos ng Tropical Depression Romina patungo sa Southern Kalayaan Islands, ayon sa 5 PM update ng Philippine Atmospheric, Geophysical and Astronomical Services Administration (PAGASA) nitong Linggo, Disyembre 22.Sa tala ng PAGASA, huling namataan ang bagyong Romina sa coastal waters ng Rurok Island, Kalayaan, Palawan sa labas ng Philippine area of responsibility (PAR).Taglay...

Romina, napanatili ang lakas habang kumikilos patungong Southern Kalayaan Islands

Napanatili ng bagyong Romina ang lakas nito habang kumikilos pahilaga patungo sa Southern Kalayaan Islands, ayon sa update ng Philippine Atmospheric, Geophysical and Astronomical Services Administration (PAGASA) nitong Linggo ng hapon, Disyembre 22.Sa tala ng PAGASA dakong 2:00 ng hapon, huling namataan ang Tropical Depression Romina 290 kilometro ang layo sa timog na bahagi ng Pag-asa Island,...