Nadine Lustre, Nora Aunor atbp., inisnab sa MMFF 2023?

By Richard de Leon

October 18, 2023

In BALITA

Tuluyan nang naglabas ng anunsyo ang Metropolitan Manila Development Authority (MMDA) sa mga magiging opisyal na kalahok na pelikula para sa darating na Metro Manila Film Festival (MMFF) 2023 sa kanilang official Facebook page nitong Martes, Oktubre 17.

Matapos ang masusing deliberasyon, 10 pelikula mula sa 30 isinumite ang pasok dito: ito ay ang “When I Met You In Tokyo, na pagbibidahan nina Christopher De Leon at Vilma Santos, "Firefly" ni Alessandra de Rossi, "Gomburza” nina Enchong Dee, Cedrick Juan, at Dante Rivero, "Mallari" ni Piolo Pascual, "Becky and Badette" nina Eugene Domingo at Pokwang, ”Broken Hearts Trip” ni Christian Bables, “(K) ampon” nina Derek Ramsay at Beauty Gonzalez, “A Family of 2 (A Mother And Son’s Story)” nina Sharon Cuneta at Alden Richards, at "Penduko" nina Matteo Guidicelli at Kylie Verzosa, at "Rewind" nina Marian Rivera at Dingdong Dantes.

Marami naman ang nalungkot at nagtataka kung bakit hindi napasama sa listahan ang nagbabalik na "Shake, Rattle, and Roll EXTREME" na gaya ng dating ay ensemble cast na pinangungunahan nina Iza Calzado at Jane De Leon, ang "Nokturno" ni Nadine Lustre, at "Pieta" ni Superstar Nora Aunor.

Marami tuloy ang dismayado lalo na ang faney ni Nadine dahil kung matatandaan, hakot awards si President Nadine at ang pelikulang "Deleter" sa nagdaang MMFF 2022.

Samantala, wala pang tugon, reaksiyon, o pahayag ang committee sa mga umaalmang fans sa pagkaka-etsa puwera sa tatlong nabanggit.

MAKI-BALITA: Official entry ng mga pelikula sa MMFF 2023, pinangalanan na

Pusa hinagis sa dagat para sa content; dalawang menor de edad, timbog

Matapos mag-viral at umani ng mga negatibong reaksiyon ang video ng isang pusang inihagis sa dagat, tuluyang nasakote ng pulisya ang dalawang menor de edad na siyang nasa likod ng nasabing video.Kumalat ang nasabing video noong Miyerkules, Setyembre 18, 2024 kung saan makikita ang menor de edad na lalaki na inihagis ang isang pusa patungo sa dagat. Ang nasabing content ay inasistahan din ng isa...

72 PDL's ng Manila City Jail, naka-enrol sa PUP Open University

Sa makasaysayang pagkakatapon, maaari nang makapagtapos sa kolehiyo at magkaroon ng degree ang 72 persons deprived of liberty (PDL's) na nasa Manila City Jail, matapos dalhin ng Polytechnic University of the Philippines (PUP) ang kanilang Open University System para sa mga mag-aaral na hindi makakapagsagawa ng physical classes.Ayon sa Facebook page ng PUP-OUS, 72 sa PDL's ng nabanggit na...

Speaker Romualdez, tatakbong presidente sa 2028 sey ni VP Sara

ROMUALDEZ FOR PRESIDENT?Sinabi ni Vice President Sara Duterte na tatakbo umano bilang pangulo ng bansa sa 2028 si House Speaker Martin Romualdez. Sa isang ambush interview nitong Miyerkules, Setyembre 18, ayon kay Duterte, sinabi sa kaniya ng mga kaalyado niya sa House of Representatives na pinag-uusapan umano ang tungkol sa impeachment niya at pagkandidato ni Romualdez sa 2028.“Ang sinasabi sa...