Nagtungo ang Komisyon sa Wikang Filipino (KWF) noong Setyembre 28 hanggang Oktubre 5 2023 sa pitong katutubong pamayanang kultural (indigenous cultural community o ICC) ng Bukidnon upang humingi umano ng pahintulot na makapangalap ng datos para sa pagsasapanahon ng impormasyon hinggil sa kanilang katutubong wika.
Ipinaliwanag nila sa pitong ICCs ang proyektong pananaliksik ng KWF hinggil sa pagsasapanahon ng mga impormasyon sa Mapa ng mga Wika ng Pilipinas.
Ayon sa KWF, malugod namang pinahintulutan ng pitong ICCs ang pananaliksik na isasagawa ng komisyong pangwika.
OFW na hinoldap, inundayan ng saksak sa terminal sa Maynila, nakauwi na ba sa pamilya?
Ang pitong ICCs sa Bukidnon ay ang Tigwahanon, Talaandig, Higaunon, Bukidnon, Umayamnon, Matigsalug Manobo, at Manobo na may iba’t ibang subgroup katulad ng Pulangiyen.
Naisakatuparan ang gawaing ito sa tulong ng Pambansang Komisyon sa Katutubong Mamamayan o NCIP-Bukidnon, NCIP Manolo Fortich Community Service Center, at NCIP Talakag Community Service Center.
Ang Komisyon sa Wikang Filipino o KWF ay ang opisyal na lupong tagapamahala ng wikang Filipino at ang opisyal na institusyon ng pamahalaan na inatasan sa paglilinang, pagpepreserba, at pagtataguyod ng mga iba't ibang katutubo at umiiral na wika sa Pilipinas.
