Isang Manilenyo ang pinalad na magwagi ng milyon-milyong jackpot prize ng Lotto 6/42 na binola ng Philippine Charity Sweepstakes Office (PCSO) nitong Huwebes ng gabi.
Sa abiso ng PCSO, nabatid na matagumpay na nahulaan ng lucky winner ang six-digit winning combination na 13-41-06-25-34-42 ng Lotto 6/42 kaya't napanalunan nito ang katumbas na premyong ₱34,562,804.20.
Leni Robredo binisita puntod ng asawa bago tuluyang naghain ng COC sa Naga City
Nabili umano ng lucky winner ang kanyang lucky ticket sa Sampaloc, Manila.
Upang makubra ang kanyang premyo, kinakailangan lamang ng lucky winner na magtungo sa punong tanggapan ng PCSO sa Mandaluyong City at magpakita ng lucky ticket at dalawang balidong IDs.
Nagpaalala naman ang PCSO na ang lahat ng premyong lampas ng ₱10,000 ay papatawan ng 20% buwis, sa ilalim ng TRAIN Law.
Ang lahat naman ng premyong hindi makukubra sa loob ng isang taon, ay awtomatikong mapo-forfeit ay mapupunta sa kawanggawa.
Ang Lotto 6/42 ay binobola tuwing Martes, Huwebes at Sabado.
