Idineklara ng Philippine Atmospheric, Geophysical and Astronomical Services Administration (PAGASA) nitong Huwebes, Oktubre 12, ang pagtatapos ng southwest monsoon o habagat season ngayong taon.
Ayon sa PAGASA, naobserbahan sa kanilang pagsusuri ang paghina ng habagat sa nakalipas na mga araw.
Dagdag nito, ang pagpapalakas ng high-pressure system sa Silangang Asya ay humantong sa unti-unting pagbabago sa weather patterns.
“With these developments, the Southwest Monsoon (Habagat) season is now officially over. The season in the Philippines is now in a gradual transition to the Northeast Monsoon (NE) season and may be apparent and declared in the coming weeks,” pagdeklara ng PAGASA.
12-anyos na lalaki, patay sa kagat ng pating!
Samantala, dahil umano sa patuloy na El Niño, may mas mataas na posibilidad ng mas mababa sa normal na kondisyon ng pag-ulan, na maaaring magdulot ng mga negatibong epekto, tulad ng tagtuyot, sa ilang mga lugar sa bansa sa huling quarter ng taon hanggang sa unang quarter ng 2024.
“This may adversely affect the different climate-sensitive sectors such as water resources, agriculture, energy, health, public safety, and other key sectors in the country,” paalala ng PAGASA.
