May rebelasyon ang Kapuso actor na si Alden Richards tungkol sa “AlDub.”
Sa interview niya sa “Fast Talk with Boy Abunda” nitong Lunes, Oktubre 9, napag-usapan ang tungkol sa romance at break up. May kaugnayan kasi ito sa pelikula ni Alden na may title na “Five Break-Ups and a Romance,” na mapapanood sa mga sinehan sa Oktubre 18. Kasama niya rito ang Kapamilya star na si Julia Montes.
Alden Richards, nagkagusto kay Maine Mendoza: ‘I did confess’
Inumpisahan ni Tito Boy sa “mapangahas” at “matapang” na tanong si Alden.
“Sabi kasi nila ang pinakamalaki mong romance sometimes is your biggest break up. Sa karera mo, do you consider ‘AlDub’ as your biggest romance and is it also your biggest break up?” tanong ng TV host.
“Romance, yes, Tito Boy. Ang daming opportunities na dumating po sa buhay ko because of it. I’m very grateful to Maine [Mendoza] and very grateful to 'Eat Bulaga' by all means, sincerely. Doon ko po naramdaman na talagang when you work hard for something, si Lord na kapag may hinihingi ka hindi niya ‘yon ibibigay sa panahong gusto mong makuha. He always has this magic of giving it the right timing,” lahad ni Alden.
“But break up, yes. Let’s remove the negative context of break up in this conversation with 'AlDub' because it doesn’t necessarily mean that when you’re going through a break up laging masama, laging masakit, laging malungkot, it was a break up because both of us, Maine and I, we needed growth. We need to venture into our individual lives. To learn more and move forward po,” sey pa ng aktor.
Itinanong din ni Tito Boy kung ano ang nawala sa kaniya dahil sa ‘AlDub.’
“Anong nawala sa ‘yo dahil sa AlDub?”
“Wala po. Naniniwala po kasi ako sa konsepto na everything that we experience in life, every moment, every people that we meet, it was meant. It was pre-meditated by our Creator, si Lord. I’d like to give all the credits to Him kasi lahat ng mga nangyayari sa buhay ko, maybe good or bad, is meant to happen. Kasi there’s a lesson to be learned and you need to go through that kasi mayroon mga bagay na kailangan mong maramdaman personally as supposed to hearing it to someone giving you advice,” sagot ng Kapuso star.
Dagdag pa ni Alden, mahal na mahal niya ang kaniyang fans.
Samantala, itinanong din ni Tito Boy kung nagkagusto si Alden kay Maine.
Maki-Balita: Alden Richards, nagkagusto kay Maine Mendoza: ‘I did confess’
Matatandaang nabuo ang ‘AlDub’ nang first time makita ni Maine, kung saan in character siya bilang si ‘Yaya Dub,’ si Alden sa split-screen sa “Juan for All, All For Juan” segment ng Eat Bulaga noong 2015.
Doon ay unexpected na nabuo ang ‘AlDub’ at ang ‘Kalyeserye’ segment ng Eat Bulaga.
Tinawag pa ngang “phenomenal” loveteam and AlDub dahil talaga nga namang sinubaybayan ito ng mga tao—bata man o matanda.
