Naglabas ng pahayag ang Office of the Vice President (OVP) hinggil sa isang viral video ng pagpapahinto sa daloy ng trapiko sa isang bahagi ng Commonwealth Avenue sa Quezon City nitong Huwebes, Oktubre 5.
Base sa isang viral video na kumakalat sa social media, nagtanong ang isang lalaki sa isang pulis kung bakit biglang pinahinto ang daloy ng trapiko sa isang bahagi ng Commonwealth Avenue.
Sagot naman ng pulis, dadaan lamang daw ang isang VIP (very important person).
Nang tanungin ng lalaki kung sino ang naturang VIP, sinambit ng pulis ang pangalan ni Vice President Sara Duterte.
50.78% examinees, pasado sa Nov. 2024 Licensure Exam for Agriculturists
“The Office of the Vice President informs the public that Vice President Sara Duterte was not involved in the traffic disruption caused by the closure of a portion of Commonwealth Avenue by the Quezon City Police Office,” paglilinaw naman ng OVP nitong Huwebes ng gabi.
Inihayag din ng OVP na nasa Mindanao umano si Duterte noong Huwebes para sa pagdiriwang ng World Teachers’ Day at iba pang mga aktibidad.
“The Vice President did not ask QCPD and will never ask government agencies, including law enforcement bodies, to carry out actions that would inconvenience the public or cause them harm,” anang OVP.
“The Vice President will always put the interest and welfare of the public over her own personal interest and privileges.”
“The viral video is spreading injurious information that is grounded in falsity,” pagbibigay-diin pa nito.
Nanawagan naman ang OVP sa Quezon City Police District (QCPD) na magsagawa ng imbestigasyon hinggil sa naturang insidente.
“The OVP calls on QCPD to conduct an investigation and hold all those responsible accountable for their action, including the liability of the person who took the video and maliciously appended the traffic stop to the Vice President,” anang OVP.
“It is also expected for QCPD to rectify this error and publicly disclose the VIP involved in the road closure,” saad pa nito.
