Bahagyang humina ang Typhoon Jenny habang kumikilos ito pa-northwest sa Philippine Sea sa bilis na 10 kilometers per hour, ayon sa Philippine Atmospheric, Geophysical and Astronomical Services Administration (PAGASA) nitong Martes ng umaga, Oktubre 3.
Sa tala ng PAGASA kaninang 11:00 ng umaga, huling namataan ang sentro ng Typhoon Jenny 330 kilometro ang layo sa silangan ng Basco, Batanes, o 340 kilometro ang layo sa silangan ng Itbayat, Batanes.
Mayroon umano itong lakas ng hanging aabot sa 155 kilometers per hour at pagbugsong 190 kilometers per hour.
Dahil dito, nananatili pa rin sa Signal No. 2 ang Batanes.
'Hindi ako nag-iisa sa laban' Abalos, hanga kay Pacquiao
"Minor to moderate impacts from gale-force winds are possible within any of the areas under Wind Signal No. 2," paalala ng PAGASA.
Samantala, nakataas sa Signal No. 1 ang mga sumusunod na lugar:
- Cagayan kabilang na ang Babuyan Islands
- Northern at eastern portions ng Isabela (Maconacon, Divilacan, Palanan, Santa Maria, San Pablo, Tumauini, Cabagan, Ilagan City, San Mariano, Santo Tomas, Dinapigue, Benito Soliven, Naguilian, Gamu, Quirino, Delfin Albano, Quezon, Mallig)
- Apayao
- Northeastern portion ng Abra (Tineg, Lacub, Malibcong)
- Northern portion ng Kalinga (Balbalan, Pinukpuk, Rizal, City of Tabuk)
- Ilocos Norte
“Minimal to minor impacts from strong winds are possible within any of the areas under Wind Signal No. 1,” saad ng PAGASA.
“The most likely highest Wind Signal that will be hoisted is Wind Signal No. 3,” dagdag pa nito.
Samantala, patuloy umanong palalakasin ng Typhoon Jenny ang southwest monsoon o habagat, na posible namang magdala ng occasional hanggang monsoon rains sa western portions ng Central Luzon, Southern Luzon, at Visayas sa susunod na tatlong araw.
Inaasahan naman umanong lalabas ng Philippine area of responsibility (PAR) ang bagyo sa Huwebes ng umaga o tanghali, Oktubre 5.
